වල කජ්ජ

වල කජ්ජ අත ලඟ නිසා…..

මචං සමරේ set වෙමුද අපි

ආරියාටත් call කරපං

හැත්තෑව පහු කරපු හිංදා

ඕන හු - - ක් සිලිං පහයි නේ

අර්ධ ශතකයකටත් ලංවුනු

අපේ මිතුදම සිහි කරන්නට

හිස්කරමු අපි පුරමු සව්දිය

පංච සීලෙං එකක් අතහැර

බොන්න පොට් එක ආරි ගානේ

බෝතලේ මම ඇන්න එන්නං

Bite එක නෝනට කියාපං

Shandy ටිකකුත් කඩෙං අරගමු

උඹෙ පැටව් ටික ඉගිලිලා

ආරිගේ එකෙකුත් ගිහිල්ලා

යාන්තම් මට තුනක් හින්දා

එකෙක් අපි ලඟ නැවතිලා

මචෝ ඌටත් හයයි හතලිස්

ඌත් එක්කං එන්න පුලුවං

ඌත් සොමියට බර නිසා

බෝතලේ මදි වෙයිද මංදා

ලංගමේ වත ගොත කියන්නට

ආරියා අපි form කරගමු

උඹට පුලුවං චිත්‍ර පට ගැන

අපට රසකර කියා දෙන්නට

මම නිකං අහගෙන ඉඳින්නම්

මගෙ කතා blog එකේ ලිව්වා

ඉතුරු වුනු වැදගත් යමක් නෑ

ඕන හු - - ක් කවිත් ලිව්වා

ඉක්මනට අපි set වෙමුකො බං

වල කජ්ජ අත ලඟ නිසා

බැරි උනෝතිං අපායෙදිවත්

Set වෙලා ගමු අපේ ආතල්